موافقه؟
معايا دبلتين أحزان
و عقد جراح و نيل عطشان
و حلم و ما اوعدكشي يكون
و عندي فانوس مهوش سحري
و موج مصلوب علي بحري
و خاتم مش بتاع سليمان
و عندي الضغط م الدنيا
و عندي كحه م التدخين
و مش أمور و شكلي تخين
و عقلي جنانه فوق الحد
و قلبي صحته ع القد
لكن مشتاق و بيودك
و بيحبك سنين ياما
ما بين الثانيه و الثانيه
و علشانك
و لو عيان
يقوم و يكسر الدنيا
فأيه رأيك
موافقه نكسر الدنيا؟؟؟؟
الأحد، 22 أغسطس 2010
ايه رأيك ...
اعــــتراف ....
اديني جريت ورا الأيام
ومالحقتش
مع اني
أنا اسرع
عيال جيلى
باقيلي
في السباق مترين
مافيش انفاس تكفيهم
ولا رجلين
تشيل وجعى اللي باقي لي
ولا خطوات اروح بيهم
لحد الضل
ولا كتف اترمي ف توبه
في لحظة ذل
ولا قشاية اتعلق في رجليها
وانا بغرق
سواكِ أنتي
الصفحة الاخيرة ......
افتح الصفحة الاخيرة
من ديوان المظلومين
هتلاقي اسمك مشرف
بين الاف المكتوبين
مش مهم هو فين
راح شمال او راح يمين
المهم ان انت تفهم معني كذبة الحياة
معني قلب راح وسابني
معني قصة حب تاه
معني عقل قام وقاللي
انت العبد وانا الاله
افتح الصفحة الاخيرة
وشوف جراح من غير الم
او دموع من غير شجن
او تحس بنبض حب
بين ضلوعك اتسجن
او تلاقي القلب ضاع
وانت تحت الانصياع
مستني امر وقرار
اما الموت او الصراع
افتح الصفحة الاخيرة
هتلاقي اشباه حروف
جمع الكلمة تلاقيها
يا اما ضعف يا اما خوف
لاحظ واسمع نبض قلبك
وسط بحر من الظروف
راح تلاقي جوا قلبك
الف اه وميت انين
نبض قلبك من اساه
هتلاقيه زي الرنين
هتلاقي حبي وحبك
الاتنين مستنيين
حكم ناطق بالحياة
يبقي هو طوق نجاة
او حكم يامر بالنهاية
بين قبور الموئودين
هي دي الصفحة الاخيرة
من ديوان المظلومين
كلها كدب وخداع
اشتكت منه السنين
انـــــا .....
انا الموهوم ...
بيتنشق نسيمه الحر ...
بيتمايل شعاع من نور ...
على البنور ...
ويتأمل كما الولهان ...
كاسات بتدور ...
بتروي للعيون الشوق ...
تحاكينا بناي مسحور ...
كما المسجور ...
بيتألم ويتندم ...
ويتعالى ما يتقدم ...
يفجر من السطور حكايات ...
يدواي الجرح والمكسور ...
بتتأهب سنون قلمه ...
ويرهب بيها اي جسور ...
بيتعايق ويتضايق ...
كما الفنان ...
تعدي ايام تمر شهور...
ولا ينسى الحنين انسان ...
دي حياته هموم بالكوم ...
وبيقولك ...
انا الموهوم ...
انا المحروم ...
بيتطاول يشوف بكرة ...
يحب يدوب وما يكره ...
ولو عمره خلاص ولى ...
ما يشيلش منه غير ذكرى ...
كما العشاق بيتهجى حروف الشوق ...
ويتأمل في احلامه ...
خرافة حاضنة اوهامه ...
تخطط رسمة للمعشوق ...
وبيهلل ما يستكبر ...
اماله في الحياة اكبر ...
ورغم الحلم وبساطته ...
يخاف يتهنى في ضيافته ...
خايف من شعاع مرسوم ...
والخوف حياته من طاقته ...
ويتنهد ويتدارى ...
ويتخفى ويتوارى ...
كما الهلاب ...
يحاول ينسي في هروبه ...
حاجات ناسية وغدارة ...
وكما المنقوش في كل كتاب ...
تروح اسباب تجيب اسباب ...
تلاقي الفرحة بالمكتوب ...
نلون بيها الف كتاب ...
وانا المحروم وفي عيونك ...
عشقي وعذابي ...
ودي الاسباب ...
انا المقهور ...
حياته في دنيته انتي ...
اماله تكون كما كنتي ...
ولو خطينا اي براح ...
نكون مع بعض انا وانتي ...
ولو ما قدرت على المشوار ...
وطال قلبي عذاب ومرار ...
واستشهد قلبي بالعاشق ...
قبل ما يفشي بالاسرار ...
تكوني انتي ...
وطيفي يطوف حواليكي ...
يشوف الدنيا في عنيكي ...
ما تبقى الدنيا من غيرك ...
ولا اتخيلت اني اكون بلاكي انتي ...
ده انتي السر والمضمون ...
وكل ما كلمة تتعالى ...
ويغرها كلام مجنون ...
تفكر تتوصف بيكي ...
باحس فيها الحرف يخون ...
وايه اللي يوصفك انتي ...
مفيش ولا كلمة باوصافك ...
من الاب ادم ليوم فرعون ...
باحاول اني اتطفل ...
بادور في مجرتنا ...
بافتش في حيطان بيتنا ...
وفي الاثارات وفي المدفون ...
كلمة تترسم باسمك ...
ريشة تتجرا على رسمك ...
ولا بالقى ...
واعود من تاني و اتلقى ...
عذاب وخضوع وحرماني ...
ما قالك قلبي ولساني ...
انا المقهور مش انتي ...
انا المنسي ...
باداري في الكفوف دمك ...
واوطي للرخيص حسي ...
باحاول اخبي واداري ...
عن الحاصل وانا داري ...
ده خيرك فر من داري ...
وراح للي شفط دمك ...
باحاول اوشوش الفاهم ...
لكل غريق وكان عايم ...
نسي في اليوم راياته السود ...
وعدى حدوده وكان هيعود ...
بياخده البحر في احضانه ...
ونلعن كل دوامة ...
يا بحر ياللي قدامنا ...
يا تاج بتزين الحلوة ...
وسايل على الكتاف شالك ...
ازاي هنروح لايامنا ...
واولادنا راحوا في خيالك ...
مين علمك تضحك ...
والحسرة مالية القلب ...
مين علمك تدبح ...
ولدي اللي مات ولا حب ...
بياخد مننا الغدار ...
شبابك دمك المهدور ...
ويجي الصبح وبتنسي ...
مش قولتلك انا المنسي ...
انا العاشق ...
وبرغم سهمك الراشق ...
يحضن بالغرام قلبي ...
بيضوي الموت فدا عيونك ...
باضحي بروحي من دونك ...
وباتمنى تعود بسمة ...
يعود الضي لجفونك ...
انا ساكت وباتكلم ...
في عز البسمة باتألم ...
باخاطب في التلال ...
مغشوش ...
في ضل عروش ...
بيتسند ويتقوى ...
بادور في الليالي عليه ...
قمر تايه على سهوة ...
ينور بيتي وغيطانك ...
ويرمي قلبي في احضانك ...
بيشكي صمتك الرنان ...
يشم هواكي يتقوى ...
يعود للجفن ضي العين ...
يخلق لنا حياة بحنين ...
ولما تطلبي عينه ...
يفاديكي بعينيه الاتنين ...
يخالط فكره باحلامه ...
ينور دينه قدامه ...
يعود الدرع لدراعه ...
ويرجع كلبه خدامه ...
اسألي الاهرام ...
على ناسها ...
مفيش ولا طوبة في اساسها ...
ما تعشقش النسيم فيكي ...
ده حتى الصخر بيحبك ...
ومش زيي ...
ده انا العاشق ...
الأحد، 15 أغسطس 2010
الصبر طيب ...
عايز اقول الصبر طيب
بس مش طيب معايا
مد ايده ف قلب قلبى
ومزَّع الحتة اللى صابرة
وسابنى اصرخ للنهاية
عايز اصدق ان بكرة حيجى احلى
بس الف بكرة قبله
ماجوش جُمَال
بس بكرة حيجى بكرة
وبعد بكرة
حسأله نفس السؤال
والاكاده
انى لسه مش مصدق
ان بكرة ف اى بكرة
شايللى شمس
والاكيد
ان بكرة
وبعد بكرة
وبعد بعده
حيبقوا امس
مانيش مارد ولاعصفور
مانيش مارد ولاعصفور
**********
يموت الحلم جوايا ميتين مرة
مابين طلعة قمر غايب
بقاله زمان
وبين لمحة نهار مشنوق
ياخدني الشوق
علي باب الرجا .أحلم
وحلم جديد
بياخدني
و من نفسي
أبان عصفور
بيعشق زقزقة عشه
وضحكة مزوقة وشه
وحر يعيش
بيعلا لفوق
لفوق يعلا
لكنه حزين
ومتعشم بيوم يفرح
مايعرفشي يكون ظالم
ولايعرف ف يوم يجرح
فمات مهموم
مانيش مارد ولاعصفور
ماليش جناحين
لكين طاير بحلم جميل
أكون موال ف وسط كلام
أنا راضي
أكون انسان
أنا راضي
مانيش مارد
ولاعصفور
قلت اكتب بلسانك ليا
يا عاشق صوتي لو غنــّـا
يادوب تــِحلم وتتمنــىَ
وابات الليل وانا سهرانه اغنيلك
يطول ليلك
تنام عينك
وانا سهرانه بتأمل حنين روحك..!!
تدوب احلامي فـ حنينك
واسجل لحظه فـ سنينك
يمكن يوم تراجعها
وتلقـــــــــــاني ..!!
تكون قربت تنساني
فــ تتذكر وتندهني !
تجيلك روحي فـ ثواني
وتضحكلي وتلمسني
وتهمسلي بـ وحشاني
وتسأل لسه عشقاني ..؟
وفكراني ؟
ومن خجلي ومن خوفي
تحس الرعشه فـ كفوفي
تعود تاني وتسألني
يدوب الدمع على خدي ويغلبني
ويتعبني
و..أحلف بـــ اللي خالقــــــني
لو انسى روحي وكياني
ولو ودوني كون تاني
بحلف صوتي يوصلك
من الصرخه بــ إسم هواك
وانسى النفس وانسى الروح
وانسى الذات ولا انساك
ولا بنساك
ولا عمري قدرت فـ يوم ولا هقدر فـ يوم انساك ..!!
************
لما سمعت كام اغنية
قولت اكتب بلسانك ليا
*********
ساعدني يا صاحبي
ساعدني ياصحبي اتخلص
من الاحزان
وشد ايديا خرجني من الاوهام
ولو حسيت فيوم انك
ياصحبي ملاك
متصدمنيش
ومتغيرشي من صورتك
كفايا عذاب
وفهمني
لو انت كمان هتخدعني
هتهزمني وتكسرني
وتسقيني من الاحزان
هلاقي ملايكة فين تاني
مابين الناس
وبعد العشرة والصُحبة
هعيش ازاى
وهتعلم اخون امتي
مانا انسان
وعمري ماخُنت لو لحظة
عيون الناس
ويوم ما يخون ملاك زيك
هعيش انسان
بيتمرد على الطيبة
وع الاخلاص
وهتخلص من الذكري
وم الاوهام
وهتعلم اخون واقتل براءة ناس
عشان صاحبي اللى فكرته
فى لحظة ملاك
طلع صورة ومتبروز
كأنه ملاك
ويوم ما يبان على اصله
هكون بركان
ومن بعده هكون فنان
وموهبتي خداع الناس
وعمري ماهدي غيره امان
ولا هيكون فى قلبي حنان
ياصحبي ياريت من الاول
متخدعنيش
وعرفني حقيقتك ايه
متصدمنيش
مع الايام
اوشوش الودع واشوف البخت اشوف
قرب بص بعينك طل
اعرف بختك
قالت إنها عارفة وإنْ
سر ودعّها يشوف الكل
قالتْ أن الجاي شايلي غنوة وقمرة وورد وفل
ادفع ..تعرف / ادفع تقرا حكاية بكرة
قلت ب غل : حكاية بكرة !
تيجي أزاي وأنا مت أمبارح ؟!
قالت : احكي
قلت بصوت مبحوح : امبارح
كان في روحين ماشين ع الرمل
كان قدامهم لون البحر
همس ملايكة وسكّة عشق
بس قدرهم ..
وامّا غلبني الحزن ..سكتّ
قالتْ : كمل !
بس قدرهم ..احكي يا ولدي
قمت مشيت لبعيد وبكيت
لمحت واحد غيري ونادت
قرب بص بعينك طل
اعرف قدرك
قالت إنها عارفة وإنْ
سر ودعّها يشوف الكل
بني ادم ....
بخاف ما انا برضه بنى ادم وليا شعور
ساعات بضحك ساعات بغضب ويمكن اثور
لكن انسان
بقلب حنون
عاقل جدا لكن مجنون
ولو دورت جوايا تلاقى تضاد ملوهش حدود
وممكن اكون ضعيف لكن
فى عز الشدة اهد سدود
وعمرى ما خنت لو لحظه
ولا فى مرة ظلمت برئ
ولا اتخليت عن اصحابى فى وقت الضيق
وببكى بحرقه لو وحشونى احبابى
ما بين نفسى
لا حد فى يوم لمح دمعى
لكن نفسى
احس بانى بنى ادم وعندى قصور
واثق من نفسى او يمكن تقول مغرور
لكن مهما يزيد الحمل على كتفى
لايمكن انام وانا مقهور
لكنى بخاف
ما ان برضه
بني ادم
حجازي الصعيدي
0105201003
وسهرت وحدي ...
وسهرت
وحدى بغزل
من كلامك توب
ويدوب
طلع قدى
مسك الغرام يدى
ومشيت معاه
ما سألت فين رايح
مانا كنت مطمن
أصل القمر كان فــوق
_ فوق فى السما _
كان نوره
فى الدروب سارح
كان نوره خطوتى ....
ومطارح
أسكنها لو جانى الشتا
لو جانى صيفي بالجفا
وأختفي .....
فجأة أختفي
لم القمر نوره
وقام
ساب الليالى تنام
وتنسانى
وتاه الغرام
منى وتوهنى
وسهرت وحدى
بغزلك من بواقي الضى
_ شمسي _
يمكن ...
تشرقي بالنهار الحي
الاشتراك في:
الرسائل (Atom)