اختبار اللغة العربية

السؤال الأول: التعبير

اكتب ما لايقل عن 650 سطر فى أحد الموضوعات التالية

لم يجد الطفل غير الشارع ملجأ نظرالحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب

ــــــــــــــــــــــــ

ــــــــــــــــــــــــــ

السؤال الثانى: القصة

من قصة " وعهد الله ما انت داخل الانتخابات" .. اقرأ القطعة وأجب عن الآتى:

(ثم أتى إليه وضربه بالجزمةوقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟)

الأسئلة:

1-ما هى اللحمة؟ أو على الأقل حدد أقرب معنى خيالى لها

2-مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

3-لماذا ضربه الرجل بالجزمة وليس بالعصى مثلا؟؟
(أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهمها انت بقى) اختر

4-حلل بمزيد من التفصيل جملة ضربه بالجزمة ومدى توافقهامع جملة مصر بتتقدم بينا

ــــــــــــــــــــــــــــــــــــــــــــــــــ

السؤال الثالث النصوص

أجب عن أحد النصين الآتيين

من نص ( ماشربتش من نيلها)..اقرأ ثم أجب

(ماشربتش من نيلها.. جربت تغنى لها.. جربت فى عز ما تحزن تمشى ف شوارعها وتشكى لها)

1-بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلهافى النص؟

(المسيسبى - الأمازون – يونج يانج)

2-هذا النص من نصوص الحزب الوطنى والدليل وجود اسم مهم من قيادات الحزب فى النص
.استخرج الاسم 3-أكمل الأبيات إلى آخر كحكة فى الكليب

4-قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف ياسيدى

ــــــــــــــــــــــــــــــــــــــــــــــ

السؤال الرابع الخط

كوز المحبة انخرم..طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء

----------

الحروب اليوميه للمواطن المصرى

بمجرد ان يفتح المواطن عينيه فى الصباح وحتى يغلقها فى المساء ...وهو فى حرب مع كل شىء يقابله او يتعامل معه او يحتاج وها هى الحروب

*اولى الحروب ....مع المخابز للفوز بالغنيمه الكبرى ...رغيف العيش وهى حرب تستنزف ثلث يومه ونتيجتها غير مضمونه وغير مامونه العواقب ..اما ان يفوز بالارغفه او لايفوز اويفقد حياته او يتشاجر ويقضى باقى نهاره وليلته فى التخشيبه اذا كان محظوظا

*حرب لركوب علبه السردين ، الاتوبيس او المواصلات عامة

*حرب فى العمل مع الزملاء لاتفه الاسباب فلا احد يتحمل احد والانفلات والتطاول من سمات الديمقراطيه
الحديثه

*حرب عند عودته الى المنزل مع زوجته واولاده بسبب المصروف وتكاليف الدروس الخصوصيه التى اصبحت فرض عين على كل اب نتيجه تدنى العمليه التعليميه

• حرب اذا مرض هو او احد من افراد اسرته فلا علاج بالمجان بل يتكلف كل شىء

• حرب خاسره بالثلاثه اذا اراد شقه بالمدن الجديده لانه حتما سيخرج الى المعاش او يتوفاه الله دون ان يحصل عليها اما اذا كانت شقه من الاهالى فانه من رابع المستحيلات الحصول عليها فى ظل هذه الاسعار

• حرب فواتير التليفون والكهرباء والمياه ومخالفات المرور التى غالبا ماتكون ظالمه


• معظم هذه الحروب عدا الرغيف والعلاج مقدور عليها ويمكن تجنبها بشكل او باخر ولكن ما لاتستطيع تجنبه فعلا ويفقد الانسان صوابه بسببها تللك الحروب الاخرى الملتصقه بحياته نتيجه فوضى الاسواق


• الاطعمه والمشروبات مع غلوها المبالغ فيه اما انها منتهيه الصلاحيه او فاسده فعلا او مسرطنه او تسبب فى امراض لاحصر لها

• الادويه مع ارتفاع اسعارها بشكل متتال الكثير منتهى الصلاحيه او غير مسجل بوزاره الصحه وبعضها يتم تصنيعه تحت بير السلم وبيعه على الارصفه


• الملابس فوضى اخرى نفس السعه ونفس الخامات فى محلين مجاوريين ولكل سعر ناهيك عن رداءه الصنع وانخفاض مستوى الذوق ، اما الملابس الشيك جيده الصناعه فلايقدر شرائها سوى طبقه محدوده


• مايمكن قوله على الملابس نقوله ايضا على الاجهزه الكهربائيه والتى اقتحمت سوقها الصناعه الصنيه بشكل لافت النظر وهى قطعا اقل جوده وعمرا بكثير من المثيله لها من الصناعات اليابانيه


• الحديد والاسمنت وباقى المواد البناءحيث لاحرج يكفى ان يقترب طن الحديد الان الى 6 الاف جنيه للطن

• الاسمده ايضا حكايتها حكايه انها فوضى بعينها هى الاخرى وبالتالى اختنق الفلاح والمواطن على حد سواء نتيجه التكاليف العالميه للانتاج وبالتالى ارتفاع الاسعار

• لايمكن فصل هذه الحروب عن بعضها ...فكلها فوضى وكلها تصب فى عب المواطن المجبر على التعامل معها وتحمل اوزارها تلك الفوضى فى الاسواق والخدمات تنذر بكارثه لا محاله ولابد ان تتحرك الحكومه بما لديها من صلاحيات لوقف انفلات الاسعار غير المبرر ومنع الاحتكار


• من هنا نحكم على الحكومه اذا كانت ناجحه ام فاشله فانا مثلى كباقى المواطنين لايهمنا فى كثير او قليل اقامة مصانع هنا وهناك رغم اهميتها فى خلق فرص عمل ، ولايهمنا ايضا زياده حجم التجاره العالميه رغم اهميتها كذلك فى التصدير وبالتالى انتعاش الاقتصاد ، مايهمنا فعلا هو ان نجد طعاما وشرابا نظيفا ومواصلات ادميه وخدمات جيده وباسعار معقوله تناسب الدخول المختلفه .....ان نجد تعليما حسنا لاولادنا ودواء امنا فى متناول اليد ، والا تعطينا الحكومه باليمين لتاخذه بالشمال فى صوره ضرائب وفواتير كهرباء ومياه وتليفون ومواصلات .....ان يذهب المواطن فى وقت لاى فرن ويشترى احتياجاته من العيش ويعود بكرامه الى اسرته ..........ان يشترى خضراوات وفواكه وهو متاكد من انها نظيفه وخاليه من الكيماويات التى حتما ستصيبه بسرطان

هذا باختصار حال المواطن فى حروبه المتتاليه والمجتمعه عليه بصفه يوميه

اين الجسد ، والاعصاب ، والقدره على تحمل كل ذلك ؟؟

لنا الله

بنربي بنات مصر ...

المعاكسة واجب قومي وحق تجاه اي مزة نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي ... عايزين ايه من الشباب يعني ... مش لازم يشجعوا المنتج المحلي ... وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة والله ما كانش حد قرب ناحيتها .

بس في مشكلة ...

البنت اللي لبسها كويس ولابسة اسدال كمان او خمار بتتعاكس ليه .؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ...

طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...

طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيه الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله....

طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهو لو محترمة والله ما كنت هاقرب ناحيتها ...

طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة

سارق الأحلام ...

لكل إنسان حلم ..

ولكل حلم فارس ..

بغض النظر عن طبيعة هذا الفارس

العجيب في الامر ..

أن مع كل حلم ( سارق ) أحلام .

وبما أنه ..

لا يوجد حدود لمدينة الأحلام ..

لا حراس ..

ولا تأشيرات دخول ..

ولا جوازات خروج ...

أصبح اللصوص يتسللون إلينا بلا رقابة ..

يجمعون أحلامنا ..

يملأون حقائبهم بأجمل الأشياء ..

ويغادروننا دون أن يستوقفهم أحد ..

أو يمنعهم شيء ..

سارق الأحلام

لا يسرق الأحلام فقط ..

بل إنه يأخذ معه في حقيبته ..

الكثير من الفرح ..

والكثير من الذكريات ..

والكثير من الأيام ..

والرغبة في الحلم من الجديد ..

والقدرة على الوقوف مرة أُخرى ..

وأحياناً.. يأخذ معه شهية الحياة ..

لا يكتفي بذلك و يرحل. ..

بل يخلف بنا مدينة أُخرى ..

مدينة مليئة بالفراغ المخيف ..

ممتلئة بالذهول ..

متضخمة بالألم ..

يعشعش بين جدرانها الندم المر ..

ويجري بين طرقاتها لبن الحلم المسكوب ..

وتبقى وحدك ..

تتفقد أعماقك المهجورة ..

تبحث عن بقايا حلمك الجميل ..

فلا تلمح سوى بصمات عبثهم بك ..

وتدرك في قمة ألمك ..

أنك كنت فريسة سهلة وغبية ..

لسارق يجيد سرقة الأحلام الجميلة ..

فيموت بك الحلم ..

تلو الحلم ..

تلو الحلم ..

ذات يوم

كان لك ولي ولهم ولنا جميعاً ..

أحلام جميلة ..

أين هي الآن؟

من ألقى القبض على أحلامنا؟

من وضع القيود في أعناقها؟

من أعطى لنفسه الحق في إصدار الحكم بإعدامها؟

ولماذا فتحنا لهم أبواب أحلامنا؟

لماذا استقبلناهم وأعطيناهم مفاتيح أحلامنا ؟

وماذا سرقوا في لحظة الفرح منا؟

هل تريد أن تعرف ماذا سرق منك سارقوا الأحلام ..

الذين زاروك ذات لحظة رائعة ..

واستعمروك ذات حلم جميل؟

استرجع أحاديثهم معك

اقرأ رسائلهم من جديد ..

استحضر وعودهم مرة أُخرى ..

هل تجسدت الهمسات؟

هل صدقت الرسائل؟

هل تحققت الوعود؟

وثق.. إجابتك

ستحدد

مقدار هزيمتك أمامهم ..

وغنائمهم منك ..

لكن.. تأكد ..

ليس وحدهم الذين يتسللون ويسرقون ..

أنا. وأنت.. وهم ..

جميعنا قد نجد أنفسنا ذات لحظة من لحظات العمر ..

متلبسين بسرقة الأحلام ..

فمن منا ..

لم يسرق يوماً حلماً ..

ألقت به الظروف في طريقه؟

ومن منا ..

لم يُسرق منه يوماً حلم ..

ألقت به الأيام في طريقه؟

فقلة هم أولئك الذين

يحافظون على أحلامهم في أعماقهم ..

ولا يتنازلون عنها أبداً ..

ولا يسمحون لسارق الأحلام أن ينال منها ..

ولا يفتحون أبواب أحلامهم ..

إلاّ بعد التأكد من هوية الطارق والقادم ..

سؤال: لماذا لا يعاقب القانون ؟

سارق الحلم والعمر ..

كما يعاقب سارق المال ..

مع أن الحلم والعمر أغلى من المال بكثير؟

سارق الأحلام

همسة

لا تستسلم لليأس ..

وأستفد من التجربة ...

لا يلدغ مؤمن من جحر مرتين

لو سألتك انت مصرى ياترى هاتقول اية؟؟؟؟؟

بينما انا فى طريقى للمنزل اذا باغنية تنبعث من الكاسيت للفنانة نانسي بتقول كلماتها 0

لو سالتك انت مصرى تقوللى اية؟؟؟

واذا بالرد
انا مصرى ابن مصرى وابن مصر الله علية انا مصرى وابويا مصرى الخ000000

قعدت اتأمل كلمات الاغنية ماذا لو سألت اى مصرى هذا السؤال هيكون ردة اية

هل سيعترف المصرى بمصريتة ام سيقول انا مهان وابويا مهان!!!!

هل سيعترف المصرى بمصريتة ام سينكر مصريتة التى جلبت لة السرطان عن طريق المنتجات المسرطنة!!!!!!!!!!!!!!!

هل سيعترف المصرى بمصريتة التى تطلق علية القنابل المسيلة للدموع وتهتك عرضة اذا ما لاقى انتخابات تجرى فى البلاد !!!!!!!

هل سيعترف المصرى بمصريتة التى تعطى للراقصات الفاجرات ولاعبى الكرة مئات الاف من الجنيهات شهريا بينما تتجاهل اساتذة الجامعات والسادة المدرسين الافاضل التى توعدهم بكادر ثم تمتحنهم مثل التلاميذ من اجل بضعة جنيهات لا تغنى ولاتسمن من جوع وتترك العلماء يموتون جوعا واذا نادوا بحقوقهم يكون مصيرهم النفى خارج بلادهم !!!!!!!!!!!!!

هل سيعترف المصرى بمصريتة التى سمحت لضابط شرطة معقد ان ينتهك عرض مواطن مصرى شريف ويصورة بالمحمول ليفضحة!!!!!!!!!!!!!!

هل سيعترف المصرى بمصريتة التى تنافق المسؤلين وتنادى بتوريث الحكم !!!!!!!!!!!!

هل سيعترف المصرى بمصريتة التى اتخذت من (الكوسة ) منهجا دائما لها وجعلت اسفل الناس اسياد واضاعت حقوق الغلابة المطحونين!!!!!!!!!!!!!

هل سيعترف المصرى بمصريتة التى جعلت حثالة ينتسبون للجنس الادمى شكلا وليس موضوعا ان يطرحوا عفن فكرهم القذر فوق صفحات المجلات والجرايد وعذبت وحبست الصحفيين اصحاب الاقلام الشريفة
!!!!!!!!!!!!!!!!

هل سيعترف المصرى بمصريتة التى باعت الغاز لاسرائيل لتنعم بالدفء والطاقة ويتمكنوا من قتل ابنائنا واخواننا فى فلسطين وغزة !!!!!!!!!!!!!!

هل سيعترف المصرى بمصريتة التى جعلت مشخصاتى حقير وزيرا يتهجم على الاسلام والمسلمين و ينتقد الحجاب علنا ويتمسح فى اسرائيل العدوة ليحظى بمنصب زائل !!!!!!!!!!!!!!!!!!

هل سيعترف المصرى بمصريتة التى تجعل رئيس الدولة يرسل رسولا خاصا لة للاطمئنان على صحة واحد مطبلاتى ولا مشخصاتى او زمار ويعالج على نفقة الدولة ويسافر للعلاج لارقى الدول بينما يترك الاطفال الصغار يموتون من شدة المرض ولا يلقى لهم بالا !!!!!!!!!!!!

واعتقد ان الزعيم الراحل مصطفى كامل لو كان عايش الايام دى كان غير مقولتة (لو لم اكن مصريا لوددت ان اكون مصريا )

الى

لو لم اكن مصريا كانت تبقة اشطة بالهبل

هل انت ولا مؤاخذة مثقف ؟

هل أنت ولامؤاخذة مثقف؟؟

هل فكرت وغامرت واتهورت مرة وقريت كتاب؟؟
بتقرا حاجة غير مجلة ميكي ؟؟
عندك مصدر بتجيب منه معلومات غير قعدة القهوة؟؟
تعرف يعني إيه حزب؟؟
هل تعلم ماهى الليبرالية والفدرالية والإشتراكية ؟؟
يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..

فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!

-يعني احنا شباب تمام..في العصر التمام-

حيث تشير إحدى الدراسات إلى أن:
80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح-
أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..

مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..
طب تعالوا نشوف ازاى الشباب المصرى بيستفيد من الإنترنت:

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..

عشان كده بيتقدموا..

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

فى الحقيقه الكلام ده قلقني جامد فقلت لازم أطمن على الأرقام دي بنفسي.. وعلى الشباب الجامعي المثقف..فنزلت للجامعة وعملت استطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية
(ده إذا كانوا بيفتحوها أساساً )
ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل
-الحمد لله أهو لقينا حد بيقرا حاجة-..
طبعاً مش لازم تبقى محمد حسنين هيكل..
ولا لازم تكون فهمي هويدي-مصيبة لا تكون مش عارف دول كمان

-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟
لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..

فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟

كلام فاضي ...

جربت تعاكس بنت قبل كدا ؟

أكيد مش حأقول عزيزتي الفتاة هل اتعاكستي قبل كده؟ لأن مفيش واحدة في مصر متعاكستش !

عامة .. خلونا نبعد عن البنات شوية ونشوف الشباب المقهور لما يحب يعاكس بيقول إيه ؟ وبيعمل إيه ؟!

تهريج .. بتباتة !

شعب مصر شعب حميمي بطبعه،
بيحب الألفة والانسجام والضحك
، لدرجة إن في أحيان كتير بتتحول عنده المعاكسة لمجرد نكتة ..
طبعا طرق المعاكسة ومستوياتها كتيرة .. منها المعاكسة التبتة اللي
بيفضل الواحد لازق زى الدبان بعد المطر بالظبط ! ودا إما لجمال البنية الباهر

–

في نظر الدبان طبعاـ أو لأنه حاسس إنه حيطلع من اللزقة دي بفايده !

وفيه معاكسة التهريج، شباب مرمي على النواصي مش لاقي حاجه يعملها
غير إنه يعاكس ويهرج على الماشيين ، والمعاكسة هنا بتبقى تهريج في الأول وفي الآخر،
حاجه لتضييع الوقت، وأهوه .. يمكن تطلع بفايدة برضه .. بس الأهم .. التهريج ..

مثلا تلاقي بنتين ماشيين ووراهم تلات ولاد، واحد بس اللي بيتكلم من الولاد
ومركز مع واحدة ( تتجوزيني والعصمة تبقى في إيدك ؟؟ ... تتجوزيني وأغسلك الصحون؟؟
..

طب تتجوزيني وأرضع العيال ؟ ) وتلاقي التلاتة ماتوا على نفسهم من الضحك ..

طبعا هو لا حيتجوزها ولا حيرضع العيال ولا حيشوف خلقتها بعد كدا .. بس بيضيع وقت وبيسلي نفسه ..

أو برضه تلاقي بنتين ماشيين وواحد بيكلم صاحبه ( أحلى واحدة فيهم اللي لابسه جزمة سودا )
..

ويا ويلهم لو لمحوهم بيبصوا على جزم بعض يأخذوهم تريأة للصبح!

مامتك نحلة ؟
وفيه معاكسات مفتكسة، مثلا الشاب من دول يرمى كلمة يحاول يشد انتباه البنت،
زى واحدة ماشي في حالها لا بيها ولا عليها تلاقي واحد متعرفوش بيبصلها
وفجأة يقف قدامها ويقولها ( لازم ماما كانت نحلة )
طبعا البنت حتفكر ( هو بيجيب سيرة الأم إبن الــ .. )
أو مش حتفهم عاوز ايه .. فحترد بنعم .. أو أفندم ..أو بتقول إيه يا جدع إنت
...

هنا الواد ينط ويقولها بسرعة ( عشان تجيب العسل دا كله ) وهو شطارته بقى بعد كدا..

بس مش دايما الشطارة بتنفع .. واحد جرب الموضوع دا وقال أول جملة
..

راحت البنت بصاله بمنتهى

الثقة وقالته له ( إشمعنى ؟ ) بعد ما
خلص جملته راحت قايلاله ( تصدق .. وإنت لازم ماما كانت فرخة ..
عشان تجيب البيض دا كله ) طبعا صاحبنا قعد تلات أسابيع بعدها في البيت .. لحد ما يفقس !

والمعاكسات برضه مقامات يعني معاكسة الماشيين غير معاكسة الواقفين،
وأصحاب العربيات لهم طرقهم الخاصة تلاقي واحد بعربية واقف قدام واحدة
وهات يا كلاكس وعمّا ل يشاور على تحت وعامل مجنون في العربية ..
وبعدين يرجع مارشدير وهو باصص للبنت وبيقولها وهو مخضوض ( النمرة .. النمرة )..

طبعا البنت شافت نمرته وهو بيرجع أو مشافتهاش بس فهمت إنها نمرة العربية
من إشارته لتحت فحتقوله مالها ؟ .. هنا بقى تلاقي وش جديد تماما بيقولها ( مبتجمعش ! ... متديهالي تاني ؟! ) صوت حريمي .. اقفش !
ومع عن المعاكسة في التليفون قدمت قوي إلا إنها لسه شغالة لحد دلوقتي
ولان الدنيا اتطورت والتكنولوجيا دخلت البيوت وفي ظل نظام إظهار الرقم
ظهرت خدمات المعاكسات من تليفونات ميناتل والنيل ورينجو،
يعني الشاب من دول يشتري كارت بخمسة أو بعشرة وهاتك يا نمر
وهو ونصيبه وأول ما يرد عليه صوت حريمي يقفش فيه .. كدا على طول من غير
ما يعرف مين دي ولا سنها وشكل اللي جابتها عامل إزاى ( مش بأقولكوا شعب حميمي .. و مكبوت كمان )

وطبعا كل عشرتلاف مكالمة ممكن واحدة تكمل معاه عشر دقايق على الخط،،
وفي الأغلب حتبقى واحدة عندها 60 سنة فاضية هى كمان وبتشوف العيال المجانين دول بيعملوا إيه قبل ما تقفل !

وفيه معاكسة التليفونات المقصودة .. ودي عادة في المدارس .. واحد خد موبايل
واحدة معاه في الفصل ميعرفهاش من واحد صاحبه وقعد يزاولها من أى كابينة تليفون
..

أو يكون شافها مرة مع حد من صحابه وياخد تليفونها ويبتدي يظبط هو .. المهم .

.

التليفونات أثبتت إنها كانت ولازالت وسيلة مهمة للمعاكسة !

من حقهم برضه !
قلت في أول الموضوع خلونا نبعد عن البنات شوية ، بس مش معنى كدا إننا ننساهم .
.

لأنهم لب الموضوع يعني لو مفيش بنات الشباب هيعاكس مين؟

وفي ظل حكومة بابا حسني الرشيدة وتوجيهات ماما سوزان القوية بتمكين المرأة كان من
ضمن الحاجات اللي تمكنت منها المعاكسة طبعا لازم المرأة تساوي الرجل في كل حاجة حتى المعاكسة ..!

والجديد دلوقتي إنك تلاقي بنتين – عادة لابسين لبس المدارس الأبيض في بني – ماشيين ورا واد وبيعاكسوه، والأجدد بقى إنك تلاقي الولد خايف منهم وبيبعد – هما عادة بتبقى أشكالهم تخوف
! –

وهما ماشيين وراه وبيقولوا ( القطة خايفة ولا إيه ؟! ) ..

بس مش معنى كدا إن كل البنات اللي بيعاكسوا وحشين .. في بنات زى القمر وخبيرة معاكسة
..

يمكن من كتر ما سمعوا ! بس الموضوع بقى بالنسبالهم وسيلة تهريج .. just having fun) )

وبمناسبة أخينا اللي كان طالع يجري فوق دا ..
في ولاد كل مشكلتهم إنهم مبيعرفوش
يعاكسوا ! وخصوصا لو كان صحابه خبراء في الموضوع دا ..
ويا سلام بقى لو حصل تجاوب بين صاحبه والبنت اللي بيعاكسها ! حتلاقيه واقف بيضرب نفسه 100
جزمة !

الى متى يا مجتمعي

كل قرارت العالم يتحمل أصحابها مسئوليتها

..

إلا القرار الذي أرغب باتخاذه...

وكأنه لايخصني ولا يخص حياتي..

الكل يتحدث عن سلبيات القرار..
والكل يتحدث عن الإيجابيات..
وكأن المهم هو...نتائج قراري..
وليس حاجتي التى دفعتني لهذا القرار..

هؤلاء..(الكل)...

لم تكونوا معي..في بكائي..

ولم تكونوا معي..بأنيني..

ولم تكونوا معي..عندما تحطم كبريائي..
ولم تكونوا معي عندما نزف جرحي..
ألما وقهر..
فمابالكم اليوم تتدخلووون..

إلى متى يا مجتمعي..؟؟

تجبروني على الإبتسام,,وقلبي ينزف دما

تجبروني أن أكون سعيدا أمام الناس..
وليس مهما أن أكون سعيدا في بيتي..

بيتي الذي كنت أريده

عشا دافئا في شتاء قارص

وربيع حالم في قيظ الحياة..
مع شريكي..

شريك ..يحتويني ويحميني..

يده تحنو علي..

لا يدا تضربني..

والضرب ..ليس جسديا فحسب..
وإنما معنويا ..أيضا..
فضرب الكلام..أشد من ضرب السياط..

إلى متى يامجتمعي...

تلحقوا بي العار..

عار أن أخرج من هذا السجن وسجانه..

وليس من عشي الذي كنت أحلم..
وتلحقوا بي الفشل..
في أداء دوري..
إلى متى..؟؟
إلى متى ؟؟
إلى متى؟؟

يقتلنا الجبن الإجتماعي

..

الذي قتل نسائنا؟؟

وأحالتهن أجسادا بلا رؤوس,,

تهزها تنفيذا لأوامر السجان...
إلى متى يامجتمعي؟؟
ارحموا قلبا ممزقا أصابه..
الحزن والقهر..
يريد الحرية والراحة..

كلام في كلام

كلام في كلام,,

ونقول على الدنيا السلام

اول لقاناكلام

لما اتقابلنا ورمينا السلام

كان كلام في كلام

جينا الدنيا ما نعرف ايه فيها
كبرنا وشلناهمها وبلاويها

سهرتنا الليالي والشقى فيها عذاب
والزمان دار بينا وعيشنافيه أغراب

قولنا التمن غالي ودة اصل الكلام
لأنها بادئة اصلا كلام في كلام

مبروك علينا

مبروك علينا


مبروك عليكي الطرحة

مبروك عليك الفرحة

مبروك علينا

اتمنينا وادينا بقينا

2 لايقين على بعضينا

والناس كترت من حوالينا

هيزفونا ويفرحوا بينا





مبروك علينا

مبروك علينا فرحنا

دلوقتي احنا ارتاحنا

واتطمنا على بعضينا

مبروك علينا

الليلة دي ليلتنا

والدنيا دي بتاعتنا

ومافيش حد تالتنا

غير فرحتنا اللي في عنينا

مبروك علينا

ويارب يهنينا

ولبعضنا يخلينا

وفي حبنا يوصينا

وبرحمته يعلينا

مبروك علينا



انا مش مصدق

ان احنا لسة مع بعضنا

ومين كان يصدق

ان حبنا من صغرنا

ومين يصدق

ان النهاردة عيد حبنا
وفيه هنجمع شملنا
ونعيش سوا في عشنا
ويارت الناس دول زينا



لو مش مصدق

تعالى اتعلم مننا

مبروك علينا

يرضيك يا حب !!!

يرضيك يا حب

في عيدك يا حب ماليش حبيب
عايش في دنيا كأني غريب
مستني بكرة ومعاه النصب
يمحي لي ذكرى ويكون لي طبيب

ِ
في عيدك يا حب مافيش كلام
اصلي وحيد مع الاحلام
ومع ذكرياتي في المنام
ضاع حبيبي مع الايام
ضاع وساب في قلبي آلام
تجرح في قلبي من غير سلام

وبقيت عايش على ذكرى
أتمنى لو فيه بكرة
ما يكونش فيه اي آلام
ولاجرح ولا حتى ملام

لكل حبيب في يوم الحب

الدنيا ياما بتعلم ...

يا قلبي الدنيا ياما بتعلم
وياما الجرح في قلوب علم

لما بتجرح قلب بريئ
لما بتزعل ويا صديق
ولما يكون قلبك جريئ
ولما بتعمل اي شيئ
عنك لازم الناس تتكلم

وياما لسة هتعلم

اصل انا كنت من العشاق
كان قلبي مليان اشواق
ودوقت يوم طعم الفراق

وياما لسة هتعلم

لما يكونو 2 احباب
يكون واحد فيهم كداب
والتاني عايش في عذاب
فيه واحد لازم يتندم

وياما لسة هتعلم

كان قلبي كدة كان قلبي خالي
قلت احب واعيش خيالي
وماكنتش اعرف اللي هيجرى لي
وكنت لازم اتألم

وياما لسة هتعلم

كان ليا واحد اسمه صديق
كنت بحبه بقلب بريئ
وياريته قال لي اي شيئ
ما كنت في بحر العشق غريق
دا سابني حريح وسط الطريق

وياما لسة هتعلم

سمعت اغاني العشاق

فكروني بيكي

ولما جابو سيرة الفراق

حسيت بدموع عنيكي

مع اني عرفت كتير

وفضلتك عنهم

ورميتك من غير تفكير

لأنك زيهم

وعشت حياتي زي زمان

ابيض واسود

على الوان

من غير ما اشتاق

ولا افكر فيكي

في ليلة زي الليلة دي

في ليلة زي الليلة دي

كان القمر بدر

كنت قاعد بنادي

على حاجة غير الهجر

واصل قبل ميعادي

مستني نور الفجر


في ليلة زي الليلة دي

كان فيه عشق وحنان

كنت قاعد بنادي

على شاهد يكون انسان

واصل قبل ميعادي

خايف اشواقي تبان


كان القمر بدر

كتير في ليالي

ولا عمر كان الهجر

في يوم على بالي

ولما زمان الغدر

جه وندا لي

كان لازم قبل الفجر

اغير حالي


في ليلة زي الليلة دي

كنت عايش سعيد

لقيت زماني ندالي

وخدني لبعيد

ولما اتغير حالي

بقيت وحيد

في ليلة زي الليلة دي

عمر جديد

في ليلة زي الليلة دي

شوفت فيها الموت

لكني لسة بنادي

ولسة طالع لي صوت

بنادي على احلامي

قبل ما ييجي السكوت

وانكتب لي عمر جديد

لسة لي فيه ضحكة صحاب

لسة لي دمعة على الاحباب

ولسة لي صفحة في الكتاب

اكتبها من جديد

وانكتب لي عمر جديد

مكتوب لي لسة اشوف المطر

مقسوم لي قاعدة مع القمر

ومع النجوم يحلى السهر

في عمري الجديد

وانكتب لي عمر جديد

لسة لي ام بتدعي لي من قلبها

لسة لي اخت تدفيني من حبها

لسة لي حاجة بس دة مش وقتها

وبقى لي عمر جديد

ويارب يكون سعيد

من يوم ما شوفتك خدني الشوق
وحلفت عمري ما ابص لفوق
ولا ابص لسما ولا حتى قمر
ما انتي اللي قلبي بهواها امر
وكفاية عليا اسرح في عنيكي
واحس بشوقي وخوفي عليكي
وياريت تكوني حاسة بيا
وباللي في قلبي يا ضي عنيا



واسألي كل فجرطالع بعد ليل طويل
و اسألي كل شمس منورة في نهارجميل
**
واسألي كل نجمة في السما شافها القمر
واسألي كل ورقة خبطها الهوى يوم على الشجر
***
واسألي كل موجة رماها البحر على شاطه بره
واسألي كل دمعة حب بكاها عاشق مرة
***
واسألي كل ضي ونور لشمعة في ليلة ضلمة
واسألي كل همسة همسها حبيب لحبيبه في ضمة
***
اسألي كل لمسة حبيبة لقلب حبيب
اسألي كل تايه في الهوى وكل غريب
***
اسأليني انا
لأ
اسألي النصيب

اللي جمعنا م غير اوان
انك يا ??? في كل مكان

حتى اسألي كل البشر
اللي شافوكي في السهر
اسألي كل النجوم
اللي في سماكي كل يوم

اني مش بحبك يا عنيا
دة اكبرمن الحب كدة شوية