ولاء ...

ممكن تسمع مني ياصاحبي

ها احكيلك عن سر ف قلبي

اسمعني بجد وصدقني

هااحكيلك من غير ماهاخبي

بنت جميله وكلها رقه

حسها قلبي ف اول دقه

عمري ماكنت اتخيل ابدا

فيه بنوته بنفس الرقه

فكر بس معايا شويه

واسرح بخيالك لو ثانيه

في بلادنا بنوته جميله

بتحير اولاد اشقيه

عايشه حياتها بدون تجميل

ولابيهم كلام الناس

عايشه حياتها وبحريه

وف قلبها دايما احساس

نفسي اوصفهالك بطريقتي
لا ماتخافش !! مش رح ابالغ

بس رح اشعر فيها شويه

ضحكه رقيقه في وش صبيه

مرسومه بآخر حنيه

ابدعها الخالق سبحانه

علشان تسعد حد يشوفها

لو مهموم ساعة صبحيه

فص زمرد جوه عيون

متلون الوان خياليه

لاهي سوده ولاتكون عسليه

شفتها مره خدتني بنظره

خلتني مش داري انا بيا

لو جواك احساس بالحزن

تبقي اكيد محتاجلها هي

هي مشاعر صادقه وفيه

بتحاول ترسم ضحكتها

علشان تضحك ليها الدنيا

لكن لو فتشت حياتها

هاتلاقي بركان تضحيه

متفجر جواها بقوه

ومدمر تسعين ف الميه

صدقني وصفها كده فعلا

مش بكدب واحد ف الميه

هي النسمه ف قلب الحر

هزة موجه ف وسط الميه

جملة حب ف سطر كلام

يتجمعو يعملو اغنيه

هو ده وصفها اللي انا شفته

في عيون كل الاشياء

لو دلعت هاقولها لولو

بس الاسم الاصلي ولاء