يرضيك يا شاعر !!!

ونْـْشـِفـْـتْ يا بحر الكتابه
ولسه بدرى
ع الجفاف
سطــرين...
وبتموت القصيده !!
والقلم...
م الحرف خاف
المعانى فى السطور مـِتـْـخـَنـَقـهْ
والعواطف
اللى كات مِـتـْـشـَـوَّقـَـهْ
قـَطـَعِـتْ يا دوووب
آخر نَـفـَـسْ
إِتـْـشـَعـْـلَقِـتْ
ع المشنقــه
.................................
ونْـشِـفـْـت يا بحر الحنان
فى الأغنيه
يا راسم الشوق ع البيبان
فى الأمسيه
يا فارد الكلمه دراع
يا مـْـهـَـدِّي تقاسيم الوجع
تاهت حروفك فى البـِـدَعْ
بيرك نـِشِفْ
المتعه كانت بيك
ح ر و ف
اليوم دا عِشتْ
لـمـّا شفت
إن امتهـانك
برضه أصبح فى ال ح ر و ف
....................................
ماتت يا شاعر روّعِتـَكْ
وِدَفَنـْـت من بدرى كلامك
هيَّ فين خطاويك
وفينها سِكِّـتـَكْ
فين الحروف اللى صـَبـَحْ
فيها امتهانك
فينه الكلام اللى تدوب منه القلوب
فين العباره اللّى
تـِذَوّق فى العيوب
يمكن تكون ما انتاش لها
ممكن تكون الكلمه
هِـرْبـِتْ لاهلها
وان انت كنـــت
مجرد السطر اللى فاضل م الكلام
ممكن تكون انت اللى
بِـتـْـهِدْ القصايد
يمكن تكون شَـبـَـكْ المصايد
اللى قاتل بالغباء
حلم اليمام
يمكن تكون
جَـرَّحـْتْ دمع العاطفه بكلمة جفــا
مين اللى جـَـرَّدْ
دَمْ حبرك م الدفــــا
راح فينه إخلاص القصايد
خانت وباعت
وارْتـَـشِـتْ
فـَـجَـرِتْ وهَـجَرِتْ
ما اخـْتـَشِتْ
إتـْـمَخْـطـَرِتْ
واتـْـمَنْـظَـرِتْ على سِكـِتـَكْ
طالت قامِتها
قِـمِـتـَكْ..!!
داست خطاها
خطوِّ تَـكْ
قامت ونامت
هـَـدَّتـَكْ
ومـْخـدِّتـَكْ
صـَبـَحـِتْ حروف مـِتـْبـَعـْتــَرَه
موش قادره تانى تكون قصيده صُـغـَيَّـرَه
موش قادره تنده لك تقوم
ما كفايه لوم
لمـّا انت فاشل م الأساس
قـَضـّيها نوم
وامسك
قلم مهووس برص الضل
للمعنى اللى فاضل
م الحروف
واكتب قصايد فاشله
واهرب كتير م الأسئله
بعد الإجابه ما بقت
زعابيب رماد
اهرب يا شاعر م الفشل
روح للفشل
واقسم عليك نص الهموم
إيـّاك ف يوم
تنسى الإشاره
الكلمه ليه زي الجبل
والحبر أصبح فى القلم
حبـِّة حجـــــــــاره
مليــون خساره
يرضيك يا شـــاعر
ياللى أخزيت المشاعـر
تقتل الحرف....بعباره