راحت عليكي يا ثورة
وبقينا في قرن 21
كنا زمان عالم تالت
دلوقتي بقينا متخلفين
وبعد ما كان فينا الطمع
احنا بقينا طماعين
اللي بيطول حاجة بياخدها
ويقول راحت فين
وماعتش حد اصيل
والحاجب بقى تحت العين
كل الناس بتاكل فيكي
ويقولوا هنجيب منين
نجيب منين كلمة على لساننا
ماهو احنا المصريين
عندنا سياحة وسد وقناة
بس كل دة راح فين
وبنوكنا واراضينا الخضرا
ونشاط الارهابيين
واسواقنا واسعارها الولعة
والناس النصابين
الاحسن مانفتحش على بعض
وخلينا كدة ساكتين
ساكتين وشاربين المر وعايشين
والبترول والغاز والمناجم
عندنا والا عند مين
انا مكتوب في بطاقتي مصري
بس انا في الاصل منين
قالوا الناس احنا شاهدين
انك مصري ومش من الصين
امال سينا بتاعة مين
بتاعة مصر والا السايحين
ده احنا حتى منها ممنوعين
يا ناس ده احنا كلنا رايحيين
كلنا عبيد عند الرحمن الرحيم
ارحموا من في الارض يرحمكم من في السماء
يا ملاعين
ليست هناك تعليقات:
إرسال تعليق