كان لازم اعرف من الاول
قبل ما رحلتنا تطول
وفرحنا كله يتحول
لعذاب ومر وحيرة وجراح
كان لازم اعرف قبل ما احبك ... قبل ما احارب يوم علشانك
كنتي قولي لي يوم ما عرفتك ... يوم ما اتملى بالفرح زمانك
او على الاقل ساعة ماقابلتك ... ساعة ما قلبي اتعلم جنانك
صعبان عيا دموع قلبك ... وبكاكي وكترة حرمانك
لكن خلاص ما الفرح مر وفات لي جراح
دلوقتي جاية بتمسحي بايدك دموعي
يمكن تكوني بتفكري في لحظة رجوعي
لكن ده نورك انطفى وخلصت شموعي
والجرح ساكن بقلبي والعمر راح
لو صحيح صعان عليكي دموع عنيا
ماكانش عقلك يوم يفكر الا فيا
دلوقتي جاية تكملي لي المسرحية
بدمعتين وتطلبي مني السماح
دة مستحيل ارجع لقلبك مرة تانية
الجرح ليه هنكرره لو حتى ثانية
سيبي لي قلبي وامشي واهو عايش في دنيا
يندم ويبكي ويطلب من ربه السماح
ليست هناك تعليقات:
إرسال تعليق